Pengertian Wangsalan Pariakan Cangkriman Pepindhan dan Sengkalan

PUISI JAWA

A.    Pangertosan lan tuladhane wangsalan, parikan, cangkriman, pepindhan sarta sengkalan.

1. Wangsalan

Wangsalan inggih punika unen-enen utawi tetembungan ingkang awujud cangkriman ananging ancase utawi jawabane wis dikandhakake kanthi ora balaka.

Tuladha :

1.      Kukus gantung, dak sawang kok sajake bingung.

kukus gantung : sawang

2.      Mbalung janur, geleme paring usada

balung janur : sada

3.      Ngem bang kacang, mbesengut ora kalengan

kembang kacang : besengut dadi mbesengut

4.      Roning mlinjo, yen wis sayah kena ngaso

roning mlinjo : so dadi ngaso

5.      Kembang gembili, seneng-seneng oleh rejeki

kembang gembili : seneng

2. Parikan

Inggih punika unen-unen rong gatra sing ana pathokane, yaiku :

-          Tibane swara ukara sapisan, kudu padha karo ukara kapindho

-          Ukara sapisan ukara bebuka, ukara kapindho isi

-          Bisa kadadean saka rong gatra utawa patang gatra

Tuladha :

1.      Mlaku-mlaku, tuku bandeng

aku iku, pancen ganteng

2.      Wedang bubuk, tanpa gula

ja sok ngantuk, gelis tuwa

3.      Medang jahe, mangane tempe

kepiye kabare

4.      Jangan kacang jangan kara, kuduk uyah kurang gula

welingku marang para mudha, aja wedi ing rekasa

5.      Esuk nyuling sore nyuling

sulinge arek surabaya

esuk eling sore eling

sing dieling ora rumangsa

3. Cangkriman

Inggih punika unen-unen uatawi tetembungan sing kudu di bedhek, amarga iku cangkriman bisa uga diarani bedhekan.

Tuladha :

1.      Sega sakepel dirubung tinggi

tegese salak

2.      Pitik walik saba kebon

tegese nanas

3.      Dikethok malah dhuwur

tegese  clana

4.      Wis gedhe kok ngguyu tawa

tegese nangis

5.      Bapake dielus-elus, anake diencot-encot

tegese wong manjat ondho

4. Pepindhan

Pepindhan inggih punika angembakake marang kawujudan, kahanan, pakarti ingkang sipate mbangetake katimbang karo kawujudan, kahanan, pakarti kang sanyatane.

Tuladha :

1.      Lakune kaya macan luwe

2.      Pikirane landhep dengkul

3.      Wangsulane saur manuk

4.      Rikate kaya angin

5.      Galake kaya macan manak

5. Sengkalan

Tembung “sangkalan” asale saka tembung “saka” lan “kala”. Saka utawa caka iku djenenge bangsa indu. Kala utawa kala ateges wektu. Sakakala yaiku kalane ana ratu golongan caka kang djumeneng ing indu sisih kidul lan wektu iku wiwitane taun saka, yaiku taun 1 utawa taun 78 masehi utawi unen-unen kang nduweni teges angkaning taun.

1)      Sengkalan lamba

Kang diarani sengkalan lamba yaiku sengkalan kang awujud ukara utawa kumpulaning tembung.

Tuladha:

1.      Leng welut margining bumi. Th. 1403.

Adage kraton mataram.

2.      Lir ngumbara ngrasa wani. Th. 1603.

Adage kraton kartasura.

3.      Nir baja madyaning puri. Th. 1880.

Tinemu ing plengku madyasura kidul kraton ngayogyakarta.

4.      Atata resi mulang djanma. Th. 1795.

Tinemu ing lajang tjentini. S.pakubuwana V.

2)      Sengkalan memet

Yaiku sengkalan kanng awujud gegambaran utawa pepetan.

DAFTAR PUSTAKA

Purwadi.1995.Sekar Mekar.CV Cendrawasih: Surakarta.

Haryono,Soewardi.2008.Buku Pepak Basa Jawa.Pustaka Wedyatama : Yogyakarta.

Subalidinata.1968.Sarining Kasustran Djawa.P.T. Jaker : Jogjakarta.